AZ
RU
Kuba müharibəyə hazırlaşır:Prezident təlimlərə qatıldı
Kuba Prezidenti Migel Dias-Kanel şənbə günü Kuba Silahlı Qüvvələrinin tank bölmələrinin iştirak etdiyi hərbi təlimləri müşahidə edib.
Yenixeber.org: Bu barədə “Assoşeyted Press” məlumat yayıb.
Məlumata görə, prezidenti Kuba Silahlı Qüvvələr naziri general Alvaro Lopes Miera və digər yüksək rütbəli hərbi rəsmilər müşayiət edib.
“Təcavüzün qarşısını almağın ən yaxşı yolu imperializmi ölkəmizə hücumun dəyərini hesablamağa məcbur etməkdir. Və bu, əsasən bu cür hərbi əməliyyatlara hazırlığımızla bağlıdır. İndiki şəraitdə bu, çox vacibdir”, - prezident çıxışında bildirib.
Kuba hökumətinin yaydığı rəsmi bəyanatda qeyd olunub ki, prezidentin rəhbərlik etdiyi Milli Müdafiə Şurası bu yaxınlarda ölkə rəhbərliyinin hazırlıq səviyyəsini artırmaq məqsədi ilə iclas keçirib:
“Şura müharibə vəziyyətinə keçid üçün planları və tədbirləri nəzərdən keçirmək və təsdiqləmək üçün iclas keçirdi”.
