AZ
RU
Jurnalist təhdid edildiyini bildirdi -polis araşdırmaya başladı
İş adamı Emin Hüseynov barəsində araşdırma başlanılıb.
Yenixeber.org xəbər verir ki, bu barədə "Azərbaycan Reallığı" saytının baş redaktoru Dəyanət Babayev öznün "Facebook" hesabında paylaşım edib.
"Dünəndən mənə görə narahat olan bütün dostlarıma təşəkkür edirəm. Xüsusən də həmkarlarıma təşəkkür edirəm ki, şərin yanında olmayıb haqqın yanında oldular. Dövlətmizin qanunları var, hər kəsin boynu qanun qarşısında qıldan incədir. Bildiyiniz kimi, "Quseynoff" MMC-nin direktoru, özünü cəmiyyətə iş adamı kimi təqdim edən Emin Hüseynov tərəfindən təhdid və şantaj olunmağımla bağlı Daxili İşlər Naziri cənab Vilayət Eyvazova müraciət etdim. Bu gün Sabunçu rayon Polis İdarəsinin istintaq və tədqiqat şöbəsində oldum. Ərizə və izahatım alındı, istintaq araşdırması başlanıldı. İstər Emin olsun, istər onun tanışı Babayeva Gülnar - mügənni Canan kimi tanınır - mənə qarşı etdikləri paylaşımlarına görə qanun qarşsında cavab verəcəklər. Şəxslər barəsində təhqiqat araşdırması getdiyi üçün əlavə məlumat verə bilməyəcəyəm. Bir daha başda cənab nazir Vilayət Eyvazov olmaqla bütün Daxili İşlər Nazirliyinə və Sabunçu rayon Polis İdarəsinin əməkdaşlarına təşəkkür edirəm".
