Türkmənistanda koronavirusun yayılmasına qarşı karantin tədbirləri o qədər güclü olub ki, zəvvarların yerli məkan olan Qoşa Baba türbəsinin yerləşdiyi qəbiristanlığa getmələri qadağan edilib.

Yenixeber.org: Mərkəzi Asiya ölkələri üzrə büromuz xəbər verir ki, bu barədə məlumatı Azatlık nəşri yayıb.

Türkmənistanda qadağalar tez-tez elan olunmur. Yaşlı insanlar da daxil olmaqla bir qrup zəvvar bu barədə İran sərhədi yaxınlığındakı Saraqta sərhəd-buraxılış məntəqəsində xəbər tutub.

“Saraqtadakı bir sərhəd keçid məntəqəsində dayandılar və geri döndülər. Zəvvarlara izah etdilər ki, türbə İranla sərhəddə yerləşir və orada koronavirus var. Əsgərlər nəzarət-buraxılış məntəqəsində avtobusu geri göndərdilər” deyib.

Saraqta yaxınlığında yerləşən müəssisələr, kafe və dükanlar möhürlənir, sakinlərə evlərini lazımsız tərk etməmələri tövsiyə olunur. Polis bu qaydalara əməl olunmasına nəzarət edir və küçədə olanları dindirir.

Saraqtadan ölkənin digər bölgələrinə aparan yollarda yoxlama aparılır: sərnişinlər avtomobillərini tərk etmək məcburiyyətində qalırlar, temperaturlarını ölçür və pasportlarını yoxlayırlar. Mənbənin sözlərinə görə, 50 manat rüşvət verməklə bu prosedurlardan keçməmək olar.

Martın 13-də ölkənin prezidenti və baş fitoterapisti, “Türkmənistanın dərman bitkiləri” çoxcildli ensiklopediyanın müəllifi Qurbanqulu Berdıməhəmmədov hər kəsə qurudulmuş qəbirin tüstüsü ilə viruslardan qorunmağı tövsiyə edib və bu metod gündə bir neçə dəfə hər yerdə tətbiq olunmağa başlanıb.

Digər üsula isə burunların oxolin məlhəmi ilə yağlanması daxildir. Bu məlhəmdən tələbələr, dövlət qurumlarının işçiləri ictimai yerlərdə, o cümlədən məscidlərə gedən ziyarətçilər tərəfindən kütləvi şəkildə istifadə olunur.

Bununla yanaşı, Ümumdünya Səhiyyə Təşkilatının məlumatına görə, hazırda “COVID-2019″un qarşısının alınması və ya müalicəsi üçün tövsiyə olunan dərmanlar yoxdur. Mövcud vaksinlər buna qarşı qorunmur, çünki “virus digərlərindən tamamilə fərqlidir və bunun üçün xüsusi bir peyvənd tələb olunur.”(konkret)