AZ
RU
“Akkord”un fəaliyyətsiz şərab zavodu
“Qazax Şərab-1” ASC 2016-cı ilin yekunu ilə bağlı maliyyə hesabatını açıqlayıb.
Yenixeber.org: Hesabatda bildirilir ki, müəssisə ötən il fəaliyyət göstərməyib.
Belə ki, 2015-ci ilin yekunu ilə müqayisədə səhmdar cəmiyyətin maliyyə göstəricilərində dəyişiklik yoxdur. “Report”un məlumatına görə, zavodun cəmi aktivləri 580 min manat, o cümlədən cəmi öhdəlikləri 333 min manat, cəmi kapitalı 248 min manat (nizamnamə kapitalı 258 min manat) olmaqla sabit qalıb. Zavodun ötən ilə dair mənfəət-zərər göstəriciləri isə 0-dır.
Xatırladaq ki, “Qazax Şərab-1” ASC 1999-cu ildə yaradılıb. Zavod rayonun Yuxarı Salahlı kəndindədir. Onun səhmlərinin 55,26%-i “Akkord Sənaye Tikinti İnvestisiya Korporasiyası” ASC-yə, 30,03%-i Dərya Müsəllim oğlu Vəliyevə (“Akkord”un 49%-lik səhmdarı), 10%-i Xalid Bəşir oğlu Bayramova, qalan 4,71%-i isə 38 fiziki şəxsə məxsusdur.
