“Biz yəqin ki, Vaşinqtona qayıdacağıq”

Yenixeber.org: ABŞ Prezidenti Donald Tramp Yaxın Şərq səfərinin üçüncü və son dayanacağı olan Birləşmiş Ərəb Əmirliklərinə səfərini başa vurduqdan sonra hara gedəcəyini bilmədiyini deyib. Bu barədə “Sky News” məlumat yayıb.

"Biz sabah (bu gün) yola düşəcəyik. Hara gedəcəyimiz az qala qeyri-müəyyəndir. Müxtəlif ölkələrdən dəvətlər gəlir. Telefonla bizə zəng edirlər, “burada ola bilərsən, orada ola bilərsən?” deyə soruşurlar. Amma biz yəqin ki, Vaşinqtona qayıdacağıq”, - deyə Amerika lideri qeyd edib.

Ağ Evin yüksək rütbəli rəsmisi dünən bildirib ki, Tramp Rusiya və Ukrayna arasında danışıqlar üçün Türkiyəyə getməyəcək, çünki Rusiya Prezidenti Vladimir Putin şəxsən danışıqlarda iştirak etməmək qərarına gəlib.