AZ
RU
Yenixeberorg.az: Bu barədə Yamxill dairəsi şerifinin ofisi məlumat yayıb.
Hadisə oktyabrın 29-da yerli vaxtla saat 14:10 radələrində Makminvill şəhərinin şimalında, Amity-Dayton avtomobil yolu ilə Krinkşenk yolunun kəsişməsi yaxınlığında baş verib. Şahidlər iki helikopterin havada toqquşduğunu bildiriblər.
Hüquq-mühafizə orqanları və təcili tibbi yardım əməkdaşları “Robinson R22” helikopterində iki, “Airbus” helikopterində isə bir nəfərin olduğunu müəyyən ediblər. Hər üç şəxs hadisə yerində həyatını itirib.
Məlumata görə, “Robinson R22” helikopterində Texas ştatından olan təlimatçı pilot və onun Böyük Britaniyadan olan tələbəsi, digər helikopterdə isə 38 yaşlı yerli sakin olub.
Qəzanın səbəbləri hələlik məlum deyil. Hadisə ilə bağlı araşdırmanı ABŞ-ın Milli Nəqliyyat Təhlükəsizliyi Şurası və Federal Aviasiya Administrasiyası aparır.
