AZ
RU
Hərbi əməkdaşlıq üzrə yol xəritəsi imzaladılar...
Ukrayna və Böyük Britaniya Kiyevdə cari il üçün müdafiə sahəsində əməkdaşlıq üzrə yol xəritəsi imzalayıb. Sənəddə Rusiyanın yeni hücumları fonunda hava hücumundan müdafiə, pilotsuz uçuş aparatları və aviasiya sahələrində birgə layihələr müəyyənləşdirilib.
Yenixeber.org: Bu barədə Ukraynanın müdafiə naziri Denis Şmıqal Teleqram hesabında məlumat verib.
“Bu gün Kiyevdə Böyük Britaniyanın müdafiə naziri Con Hili ilə birlikdə müdafiə sahəsində yüzillik tərəfdaşlığın inkişafına dair yol xəritəsini imzaladıq”, – deyə o yazıb.
Razılaşma iki dövlət arasında uzunmüddətli hərbi-texniki və sənaye əməkdaşlığının əsasını qoyur.
“Bu sənəd Rusiyanın hücumlarından Ukraynanı qorumaq imkanlarımızı gücləndirəcək genişmiqyaslı müdafiə layihələrinə yol açır”, – Şmıqal vurğulayıb.
