AZ
RU
İki mülki gəmi vurdulu -Ölən və yaralananlar var
Rusiyanın Ukraynanın Odessa vilayətindəki liman infrastrukturuna təşkil etdiyi dron hücumu nəticəsində xarici ölkələrin bayraqları altında üzən iki mülki yük gəmisinə ciddi ziyan dəyib.
Yenixeber.org: Bu barədə Ukrayna Baş nazirinin müavini Oleksiy Kuleba özünün teleqram kanalında məlumat yayıb.
Onun sözlərinə görə, hücum nəticəsində gəmilərdən birinin heyət üzvü olan Suriya vətəndaşı həlak olub, daha bir neçə nəfər isə yaralanıb:
“Zərbəyə məruz qalan gəmilər Sent-Kits və Nevis, həmçinin Komor adaları bayraqları altında hərəkət ediblər. Gəmilərdən biri taxıl yükləmək üçün Çornomorsk limanına yollanarkən, digəri isə soya daşıdığı vaxt Odessa limanı yaxınlığında vurulub. Baş verənlər beynəlxalq gəmiçiliyə və qida loqistikasına qarşı törədilmiş növbəti müharibə cinayətidir”.
