AZ
RU
Dağıstandan daha 250 Azərbaycan vətəndaşı gətirilib
Yenixeber.org: Azərbaycan vətəndaşları avtobuslarla “Samur” buraxılış məntəqəsindən keçirilərək gətirilib və Qusar rayonunda FHN-in karantin məntəqəsinə yerləşdirilib.
KİV-lərin məlumatına görə, karantin məntəqəsində çadırlarda eyni zamanda 1200 nəfərin yerləşdirilməsi üçün şərait yaradılıb.
Karantində saxlanılan şəxslər qida, gigiyena vasitələri, yataq dəyişəyi ilə təmin ediliblər. Çadırlarda ventilyatorlar quraşdırılıb.
Dağıstanın Dərbənd rayonunun başçısı səlahiyyətlərini icra edən Fuad Şıxıyevin sözlərinə görə, 250 nəfər getdikdən sonra Kullar kəndi yaxınlığındakı çadır düşərgəsində hələ 500-dən çox Azərbaycan vətəndaşı qalıb. “Onların qaytarılması üzrə iş davam etdirilir, yaxın gələcəkdə daha bir qrupun göndərilməsi gözlənilir”, deyə TASS agentliyi Şıxıyevdən sitat gətirir.
Qeyd edək ki, vətəndaşlar Azərbaycana həftədə bir gün, çərşənbə axşamı günləri göndərilir.
