AZ
RU
Rumıniyanın Azərbaycandakı yeni səfiri– FOTOLAR
Ötən gün Rumıniya Prezidenti Klaus İohannisin imzaladığı sərəncamla Vasile Soare Rumıniyanın Azərbaycanda yeni səfiri təyin edilib.
Yenixeber.org: V. Soare 1999-cu ildən Rumıniya Xarici İşlər Nazirliyində çalışır. O, 2002-2008-ci illərdə ölkəsinin Qazaxıstanda, 2014-2020-ci illərdə isə Rusiya Federasiyasındakı diplomatik nümayəndəliyinə rəhbərlik edib.
Qeyd edək ki, Vasile Soarenin namizədliyi mart ayında Rumıniya Parlamenti tərəfindən də təsdiq olunub.
Xatırladaq ki, cari ilin fevral ayının 22-də Rumıniya prezidenti Klaus İohannis ölkəsinin Azərbaycandakı səfiri Dan İancununun geri çağırılması haqqında sərəncam imzalayıb.
Səfir D. İancu 2016-ci ildən Rumıniyanın Azərbaycandakı diplomatik missiyasının rəhbəri vəzifəsində çalışırdı.
Prezident K.İohannisin imzaladığı sərəncamla Rumıniyanın daha 6 ölkədə səfirləri təyin edilib. 
