AZ
RU
Tokayev Ceyhun Bayramovun Qazaxıstana səfərini əhəmiyyətli adlandırıb
Qazaxıstan Prezidenti Kasım-Jomart Tokayev Azərbaycanın xarici işlər naziri Ceyhun Bayramovun Astanaya səfərini əhəmiyyətli adlandırıb.
Yenixeber.org xəbər verir ki, Kasım-Jomart Tokayev bunu Prezident administrasiyasında Ceyhun Bayramovla danışıqlar zamanı bildirib.
"Sizin səfəriniz qardaş Azərbaycanla əməkdaşlığımızın daha da inkişaf etdirilməsi baxımından böyük əhəmiyyət daşıyır. Azərbaycanla münasibətlər bizim üçün çox vacibdir. Biz Azərbaycanı etibarlı strateji tərəfdaş və müttəfiq hesab edirik", - o vurğulayıb.
Görüş zamanı Xəzər dənizinin dibi ilə fiberoptik rabitə xəttinin və sualtı elektrik kabelinin çəkilişi də daxil olmaqla iri strateji layihələrin həyata keçirilməsi barədə fikir mübadiləsi aparılıb.
Ticarət, investisiya, rəqəmsallaşdırma, tranzit və nəqliyyat sahələrində gələcək əməkdaşlıq perspektivləri də müzakirə edilib.
