Noemin çantasında dərmanlar, mənzil açarları, pasport, kosmetik çanta və təxminən 3000 dollar pul olub

Yenixeber.org: Naməlum şəxs ABŞ-ın daxili təhlükəsizlik naziri Kristi Noemin çantasını oğurlayıb. Bu barədə CNN telekanalı hüquq-mühafizə orqanlarındakı mənbələrə istinadən məlumat yayıb.

Hadisə Vaşinqtonun mərkəzində, Noemin nahar etdiyi restoranda baş verib.

Telekanalın mənbəsinin bildirdiyinə görə, çantada sürücülük vəsiqəsi, dərmanlar, mənzil açarları, pasport, rəsmi sənəd, kosmetik çanta və təxminən 3000 dollar pul olub.

Nazirin təhlükəsizliyini təmin edən Məxfi Xidmətin əməkdaşları restoranın təhlükəsizlik kameralarının görüntülərini yoxlayıb və çantanın tibbi maska ​​taxan naməlum ağdərili şəxs tərəfindən oğurlandığını müəyyən ediblər. Faktla bağlı araşdırma aparılır.