AZ
RU
Tramp: HƏMAS-ın Qəzzanın müharibədən sonrakı idarəçiliyində iştirakına imkan verməyəcəyik
Birləşmiş Ştatlar Fələstinin radikal HƏMAS hərəkatının gələcəkdə Qəzza zolağının idarə olunmasında iştirakına icazə verməyəcək.
Yenixeber.org xəbər verir ki, bunu ABŞ Prezidenti Donald Tramp Ağ Evdə jurnalistlərin suallarını cavablandırarkən deyib.
Ondan ABŞ-nin HƏMAS-ın Qəzzanın müharibədən sonrakı idarəçiliyində hər hansı rol oynamasına mane olub-olmayacağı soruşulub. “Biz HƏMAS-a bunu etməyə icazə verməyəcəyik”, - Tramp bildirib. "Biz Qəzza ilə nə baş verəcəyini görəcəyik, lakin Yaxın Şərqdə çox irəliləyiş əldə etdik", - o vurğulayıb.
"Bu xüsusi günün hadisələri - 7 oktyabr 2023-cü il - heç vaxt baş verməməli idi", - Amerika lideri fikirlərinə davam edib. "Mən prezident olsaydım, bu, heç vaxt baş verməzdi. Amma biz bütün bu vəziyyəti dayandıracağıq", - o, yekunlaşdırıb.
