AZ
RU
Türkiyə XİN: Suriyadakı silahlı qrupların yeni orduya inteqrasiyası işlərinə başlanılıb
Suriyanın cənubundakı silahlı qrupların yeni orduya inteqrasiyası istiqamətində işlərə başlanılıb.
Yenixeber.org xəbər verir ki, bunu Türkiyənin Xarici İşlər Nazirliyindəki (XİN) mənbə "TRT Haber"ə açıqlayıb.
Məlumatda bildirilib ki, ölkənin cənubundakı hərbi hərəkətlilik qismən sakitləşib.
Bununla yanaşı, mənbə zaman-zaman baş verən təxribatların təsiri ilə fərdi toqquşmalar yaşandığını da qeyd edib.
"Sahədəki mühüm inkişaflardan biri ABŞ-nin hərbi mövcudluğunu azaltmaq surətiylə konsolidasiyaya gedəcəyini açıqlaması təşkil etmişdir. ABŞ konsolidasiyaya yönəlik müəyyən bir təqvim açıqlamadan prosesi sahədəki vəziyyətin qiymətləndirilməsi əsasında mərhələli şəkildə irəlilətməyi nəzərdə tutur. Bu əsnada da Suriya ilə İraq arasında həm sərhəd təhlükəsizliyinin təmin edilməsi, həm də terrorla mübarizə kontekstində əməkdaşlıq təsis edilməsini təşviq edir. Bu konsolidasiya prosesinin yaxından izlənməsi davam etdirilir", - deyə XİN-dəki mənbə vurğulayıb.
