AZ
RU
Ərdoğan: Türkiyənin üzləşdiyi faciədə Azərbaycan xalqının göstərdiyi dəstək heç vaxt unudulmayacaq
Türkiyə ilə Azərbaycan arasında tale birliyinin əsas sübutu açılışı həyata keçirilən məhəllədir.
Yenixeber.org xəbər verir ki, bunu Türkiyə Prezidenti Rəcəb Tayyib Ərdoğan Kahramanmaraşda Azərbaycan məhəlləsinin açılış mərasimində deyib.
“Biz iki dövlətin tək ürək daşıyan övladlarıyıq”, - dövlət başçısı qeyd edib.
Ərdoğan bildirib ki, Türkiyədə zəlzələ olanda ilk köməyə gələn ölkələrdən biri Azərbaycan olub:
"Türkiyənin üzləşdiyi faciədə Azərbaycan xalqının göstərdiyi dəstək heç vaxt unudulmayacaq. Zəlzələdə dağılmış bu məhəllə Azərbaycanın dəstəyi ilə yenidən inşa edilib. İlham Əliyev və Mehriban Əliyevanın dəstəyini həmişə xatırlayacağıq. Kahramanmaraşı hər şeylə təmin olunmuş bir yaşayış sahəsinə çevirmişik”.
