AZ
RU
Türkiyə Suriyada hərbçilərə təlim keçəcək -hərbi akademiya açacaq
Türkiyə ilə Suriya keçid hökuməti arasında imzalanan razılaşma əsasında Ankaranın Suriyada hərbi hazırlıq prosesinə başladığı bildirilir.
Yenixeber.org: Bu barədə “Yeni Şafak” qəzeti məlumat yayıb.
Məlumata görə, ilkin mərhələdə Suriya xüsusi təyinatlıları təlim keçəcək, daha sonra isə proqram bütün orduya şamil olunacaq. Bundan əlavə, Türkiyə Suriyada hərbi akademiya açmağı planlaşdırır. Bu model daha əvvəl Somalidə və Liviyada tətbiq olunub.
Mənbələrin məlumatına görə, Ankara Suriyaya dəstəyini yalnız təlimlə məhdudlaşdırmır. Əgər kürd silahlı dəstələri YPG və onların əsasını təşkil etdiyi “Suriya Demokratik Qüvvələri” 10 mart razılaşmalarına əməl etməsələr, Türkiyə Suriya hökumətini dəstəkləməyə hazırdır.
Bildirilir ki, əsas əməliyyatları Suriya tərəfi həyata keçirə bilər, Türkiyə isə kəşfiyyat, pilotsuz uçuş aparatları və artilleriya ilə dəstək verəcək.
