AZ
RU
Trampdan Qəzzadakı girovlarla bağlı AÇIQLAMA
“Qəzza zolağında saxlanılan sonuncu israilli girovun cəsədi tapılaraq ölkəsinə qaytarılıb”.
Yenixeber.org: Bu barədə ABŞ Prezidenti Donald Tramp özünün “TruthSocial” platformasında məlumat paylaşaraq, prosesin tamamlandığını elan edib.
Ağ Ev rəhbəri paylaşımında sözügedən uğuru yüksək qiymətləndirib:
“Beləliklə, 20 girovun hamısını diri və ya ölü vəziyyətdə geri qaytardıq! Möhtəşəm iş! Çoxları bunun qeyri-mümkün olduğunu düşünürdü. Komandamı təbrik edirəm!”
Qeyd edək ki, İsrail Müdafiə Qüvvələri (IDF) daha əvvəl məlumat vermişdi ki, qaytarılan şəxs mayor Ran Qvilidir. 24 yaşlı polis xüsusi təyinatlısı 7 oktyabr 2023-cü ildə döyüşdə həlak olub və nəşi qaçırılaraq Qəzzada saxlanılmışdı.
Xatırladaq ki, oktyabrın 9-da İsrail və HƏMAS arasında imzalanan sülh sazişindən sonra Donald Tramp münaqişənin bitdiyini bəyan etmişdi.
