AZ
RU
Naxçıvana zərbə Təbrizdə həyəcan yaradıb
Dünən axşamdan başlayaraq Təbriz şəhərinin müxtəlif bölgələrində təhlükəsizlik tədbirləri gücləndirilib, mərkəzi küçələr və meydanlarda yeni postlar qurulub, şəxsi avtomobillərin sürücülərinin sənədləri yoxlanılır.
Yenixeber.org: Bu barədə yerli mənbələr məlumat yayıb.
Məlumata görə, xüsusən şəhərin mərkəzi küçələri və qərb bölgəsinə çoxsaylı hökumət məmuru və texnika cəlb olunub.
Buna dünən İranın Naxçıvana dron hücumunun səbəb olduğu bildirilir.
Qeyd olunub ki, İran hökuməti təbrizlilərin rejimə qarşı aksiyalar keçirməsindən ehtiyat etdiyi üçün təhlükəsizlik tədbirlərini artırıb.
Artıq ikisi tanınmış media nümayəndəsi olmaqla, bir neçə mədəni və milli fəalın təhlükəsizlik idarəsinə çağırıldığı vurğulanıb.
