İraq hökumətinə bağlı birliklər, ölkənin şimalındakı antik şəhər Hatranı terror təşkilatı İŞİD-dən geri alıb. Beləcə, İŞİD-in İraq ilə Suriya arasında istifadə etdiyi keçid yolu kəsilmiş olub.

 Yenixeber.org:  Hatradaki əməliyyatlar, ağırlıqlı olaraq İranın yetişdirdiyi şiə Haşdi Saab üzvlərindən ibarət Xalq Səfərbərlik Birlikləri koalisiyası tərəfindən çərşənbə günü başladılıb. Mosulun təxminən 125 kilometr cənubunda yerləşən və üç il İŞİD-in nəzarətində qalan antik şəhər Hatranın tarixi quruluşunda böyük zərər meydana gəldiyi ifadə edilib.

Birləşmiş Millətlər Təşkilatının Elm təhsil və Mədəniyyət Təşkilatı (UNESCO), mədəni zənginliklərin məhv edilməsinin də döyüş cinayəti sayıldığını bildirib.

Mosulun İŞİD-dən geri alınması üçün başladılan əməliyyatın koordinatoru general Abdulamir Yarallah, “Haşdi Saab birlikləri Hatranı tamamilə azad etmişdir”, deyə açıqlama verib.

İŞİD militanlarının, Mosulun qərbində, İŞİD lideri Əbubəkir Əl Bağdadinin 2014-ci ildə “xilafət elan etdiyi” böyük əl Nuri məscidinin olduğu sahənin də azad edildiyi bildirilib.