Avropa İnsan Hüquqları Məhkəməsindəki (AİHM) erməni məhbusların maraqlarının təmsilçisi Siranuş Saakyan yeni iddia ilə çıxış edib. O bildirib ki, Azərbaycan  Ermənistan rəhbərliyinin qarşısında  üç şərt irəli sürüb. Azərbaycan əsir ermənilərin sərbəst buraxılması imkanlarını nəzərdən keçirir. Bunların arasında Ermənistan silahlı qüvvələrinin bölmələrinin Qarabağ ərazisindən çıxarılması da var.

Yenixeber.org: Sahakyanın sözlərinə görə, “Bakı bütün məhkumların geri qaytarılması üçün üç şərt irəli sürür: Ermənistan silahlı qüvvələrinin Qarabağ ərazisindən çıxarılması, əlavə ərazilərin, məsələn Tigranaşen kəndi (Kyarki) dən erməni qüvvələrin cıxması  və   Şuşayə aparan Qırmızı Bazar yolundan azərbaycanlıların istifadə etmələri.

 “Bu problemləri həll etmək üçün Bakı erməni məhbus amilindən istifadə edir” deyib Saakyan. Bu məlumatları bəzi “əvvəlcədən hazırlanmış sənəd layihələri” daxil olmaqla bir neçə mənbədən aldığını qeyd etdi.

“SAVAŞ” bildirir ki, “Kommersant” bununla bağlı Azərbaycan Xarici İşlər Nazirliyinə sorğu göndərib. Eyni zamanda, məhbus mübadiləsi məsələsində Bakının mövqeyi çoxdan bəllidir. Azərbaycan Xarici İşlər Nazirliyi çərşənbə axşamı günü RİA Novosti-yə bir daha təkrarlayıb ki, artıq bütün hərbi əsirləri Ermənistan tərəfinə keçirdilər, lakin döyüş əməliyyatları bitdikdən sonra saxlanılanlar hərbi əsir  sayılmır və qanun qarşısında cavab verəcəklər.

“Beynəlxalq humanitar hüquqa uyğun olaraq, terror və təxribat fəaliyyəti həyata keçirmək üçün üçtərəfli bəyanat imzaladıqdan sonra (10 noyabr 2020-ci il gecəsi – Kommersant) Ermənistan tərəfindən Azərbaycan ərazisinə göndərilən şəxslər əsir sayılmır və hesab edilə bilməzlər. Saxlanılan şəxslər Azərbaycan Respublikasının Cinayət Məcəlləsinə əsasən məsuliyyət daşıyırlar. Onlara beynəlxalq hüquqa və Azərbaycan qanunvericiliyinə uyğun olaraq yanaşılır  – dedi diplomatlar.

“Turan” İnformasiya Agentliyi çoxsaylı telefon zənglərinə baxmayaraq Azərbaycan Xarici İşlər Nazirliyinin mətbuat xidmətinin ermənilərin Azərbaycanın təxribatçıların ekstradisiyası üçün üç şərti ilə bağlı versiyası barədə rəyini ala bilməyib.