AZ
RU
Çinli tədqiqatçılar: -"Koronavirus təbii yolla yaranıb"
"Koronavirus sırf təbii yolla əmələ gəlib, laboratoriyada süni şəkildə yaradılması mümkün deyil".
Yenixeber.org: Belə bir qənaət “Science China Life Sciences” nəşrində dərc edilmiş tədqiqatda yer alır.
Bu qənaəti təkamül nəzəriyyəsi və ondan irəli gələn mülahizələrlə əsaslandıran müəlliflərə görə, müasir SARS-CoV-2 virusu 2003-cü ildə ortaya çıxan SARS-CoV ilə müqayisədə insan orqanizminə daha yaxşı uyğunlaşıb. Bu isə keçirdiyi təkamül yolu ilə izah olunur.
“SARS-CoV-2 böyük şəhərin heyvan bazarında, ələlxüsus da laboratoriyada yarana bilməz. Bu virusun mənşəyini müzakirə edərkən uzunmüddətli uyğunlaşma nəzərə alınmalıdır” - deyə, məqalədə qeyd olunur.
Qeyd edək ki, bugünlərdə Ümumdünya Səhiyyə Təşkilatının baş direktoru Tedros Adhanom Gebreyesus koronavirusun süni yolla yaradılması ehtimalı olduğunu bildirmişdi.
