AZ
RU
Merkelin şərəfinə heykəl ucaldıldı, pivə hazırlandı – FOTOLAR
Almaniya kansleri Angela Merkelin at üzərində heykəli ucaldılıb.
Yenixeber.org: Alman rəssam Vilhelm Kohun əsərinin 2022-ci ilin yazına qədər Bavariyadakı Tempel Muzeyinin qarşısında sərgilənəcəyi gözlənilir.
Qeyd edək ki, sənətçi A.Merkeli şalvar kostyumunda at üstündə ayaqyalın təsvir edib.
Həmçinin, müəllif Almaniya kanslerinin məhşur əl hərəkətini də göstərib. Bu, 16 illik hakimiyyəti dövründə A.Merkellə sinonim olmuş bir bədən dilidir.
Atın yəhəri və yüyəni yoxdur. Bundan başqa heykəl podium üzərində deyil. V.Koh hesab edir ki, bununla A.Merkelin təvazökar xarakterini göstərib.
Hekyəl 3D printerdən istifadə edilməklə yüngül betondan hazırlanıb. Onun hündürlüyü
2,70 metrdir.
Vəzifədən getməyə hazırlaşan Almaniya kanslerinin mindiyi at "American Quarter Horse" cinsinə aiddir.
Qeyd edək ki, yerli pivə ustaları heykəlin açılışının şərəfinə özəl pivə də bişiriblər.
