AZ
RU
Bu ölkədə silahlı hücum zamanı 60-a yaxın insan həlak olub
Nigerin cənub-qərbində yerləşən Banibanqa kommunasına silahlı şəxslərin hücumu nəticəsində 60-a yaxın insan həlak olub.
Yenixeber.org: Bu barədə “Agence France-Presse” xəbər yayıb.
Qeyd edilir ki, hücum cümə axşamı Tillaberi bölgəsində, "üç sərhəd zonası" adlanan ərazidə - Nigerin Mali və Burkina Faso ilə dövlət sərhədi olan ərazidə baş verib. Bölgədə İŞİD və Əl-Qaidə terror təşkilatları ilə əlaqəli çoxsaylı qrupları fəaliyyət göstərir.
“Ümumilikdə 60-a yaxın insan həlak olub, 9 nəfər itkin düşüb, 15 nəfər isə qaçıb”, - mənbə bildirib.
Niger terror fəaliyyətləri və qeyri-qanuni miqrasiya səbəbindən qitənin ən problemli bölgələrindən biri olan Afrikanın Sahel bölgəsində yerləşir. 2014-cü ildə Fransa bölgədə "Barhan" antiterror əməliyyatına başlayıb.
