AZ
RU
Bu qadağa ləğv edildi-QƏRAR
Nazirlər Kabineti yanında Operativ Qərargah güləş üzrə Azərbaycan çempionatının keçirilməsinə razılıq verib.
Yenixeber.org: Dekabrın 7-dən 9-dək davam edəcək ölkə birinciliyi milli komandalara seçim xarakteri daşıyacaq.
Bakı İdman Sarayında baş tutacaq çempionatın təqvimi belədir:
Dekabrın 7-də yunan-Roma güləşi üzrə 55, 60, 63, 67, 72, 77 və 82 kq-da qaliblər müəyyənləşəcək.
Həmin gün saat 16:00-da yarışın təntənəli açılış mərasimi başlayacaq.
Növbəti gün klassik güləşdə 87, 97 və 130, sərbəst güləşdə isə 57, 61, 65 və 70 kq-da medalçıların adına aydınlıq gələcək.
Yarışın son günündə isə 74, 79, 86, 92, 97 və 125 kq-da ölkənin ən güclü sərbəst güləşçiləri bəlli olacaq.
Qeyd edək ki, ölkədə davam edən karantin rejimi ilə əlaqədar olaraq Azərbaycan çempionatı azarkeşsiz keçiriləcək.
