“Rusiya ilə Ukrayna arasında sülhün əldə olunması yolunda əlimizdən gələni edəcəyik"

Yenixeber.org: Türkiyə Prezidenti Rəcəb Tayyib Ərdoğan noyabrın 23-də Rusiya Prezidenti Vladimir Putinlə telefonla danışacağını açıqlayıb.

Ərdoğan bu barədə G20 Liderlər Zirvəsindən sonra keçirilən mətbuat konfransında çıxışı zamanı deyib.

“Rusiya ilə Ukrayna arasında sülhün əldə olunması yolunda əlimizdən gələni edəcəyik. Biz bu məsələ ilə bağlı tam səfərbərlik elan etmişik və inşallah buna nail olacağıq. Zelenski ilə keçən həftə Ankarada görüşdük, sabah isə Putinlə telefonla danışacağıq. Taxıl dəhlizi ilə bağlı səylərimiz, əslində, sülhə yol açmaq məqsədi daşıyırdı”, - o bildirib.