AZ
RU
“Crocus”dakı terror aktını törədənlərə ömürlük həbs cəzası istənildi
Rusiyanın 2-ci Qərb Dairə Hərbi Məhkəməsində “Crocus City Hall”da törədilmiş dəhşətli terror aktı ilə bağlı keçirilən prosesdə dövlət ittihamçısı təqsirləndirilən şəxslər üçün ən ağır cəzanı tələb edib.
Yenixeber.org xəbər verir ki, bu barədə zərərçəkmişlərin vəkili Daniel Qotye məlumat verib.
Məlumata görə, prokuror terror aktının dörd birbaşa icraçısı – Şəmsiddin Fariduni, Dalerjon Mirzoyev, Məhəmmədsobir Fayzov və Səidakram Murodali Raçabalizodanın ömürlük azadlıqdan məhrum edilməsini və cəzanın xüsusi rejimli koloniyada çəkilməsini istəyib. Fevralın 16-da məhkəmə iş üzrə qapalı müzakirələrə başlayıb.
Xatırladaq ki, 22 mart 2024-cü ildə Moskva vilayətinin Krasnoqorsk şəhərində yerləşən “Crocus City Hall”da baş verən terror hücumu nəticəsində 149 nəfər həlak olub, 600-dən çox insan isə müxtəlif dərəcəli xəsarətlər alıb. Hadisə zamanı konsert zalına dəyən maddi ziyanın miqdarı təxminən 6 milyard rubl (təqribən 110 milyon manat) dəyərində qiymətləndirilir.
