Yenixeber.org:  Bir ingilis psixoloqu Nostradamusun bəsirətlərinə əsaslanaraq bu il Donald Trampın sui-qəsdlə öldürüləcəyini iddia edib. Onun sözlərinə görə, şifrəli mətnlərdə 2019-cu ildə Yaxın Şərqdə böyük müharibə olacaq.

16-cı əsrdə yaşamış Mişel de Nostradamus, Böyük Fransa Burjua İnqilabı, Hitlerin hakimiyyətə gəlişi, Kennediyə sui-qəsd və hətta 11 sentyabr terror aktlarını proqnozlaşdırıb.

Nostradamusun mətnlərini təhlil edən psixoloq Kreyq Parkerin fikrincə, 2019-cu ildə Trampa sui-qəsd və Yaxın Şərqdə böyük müharibə ilə yanaşı, bu il Rusiya ilə münasibətlərdə dəyişiklik olacaq.

Nostradamusun proqnozları etibarlıdırmı?

Parker və Nostradamusun digər tərəfdarları onun 1932-ci ildə Hitlerin yüksəlişi, 1666-cı ildə dəhşətli London yanğını və İraqda Səddamın süqutunu belə öncə gördüyünü bildirirlər.

Nostradamusu məşhurlaşdıran öncəgörmələrdən biri də Fransa kralı II Anrinin ölümünü qabaqcadan xəbər verməsidir. 10 iyul 1559-cu ildə vəfat edən kralın ölümünü 4 il əvvəl Nostradamus öncə görüb.

(pia)