AZ
RU
Ermənistanın Auditorlar Palatası “Hayastan” Ümumerməni Fondunun fəaliyyətində 190 min dollar (89 mln. 942 min dram) məbləğində dələduzluq edildiyini aşkarlayıb.
Yenixeber.org: “Rusarminfo” xəbər verir ki, məlumatı Ermənistan Dövlət Nəzarət Xidmətinin mətbuat katibliyi yayıb.
Bildirilib ki, yoxlama 2018-2019-cu il tarixində “erməni soyqırımı”nın “100-cü ildönümünə” həsr edilən tədbirlər çərçivəsində xərclərlə bağlı aparılıb.
Məlumata görə, təşkilatın fəaliyyətində razılaşdırılmış konsertlərin təşkil edilməməsində, film çəkilməməsində və s. məsələlərdə pozuntular aşkarlanıb Qeyd edək ki, 1992-ci ildə yaradılan bu fond hər il Ermənistan və Azərbaycanın işğal altında olan Dağlıq Qarabağ bölgəsindəki ermənilərə yardım adı altında müxtəlif xeyriyyə tədbirləri keçirir.
Xatırladaq ki, 2018-ci ilin iyununda “Hayastan” Ümumerməni Fondunun direktoru Ara Vardanyan ictimai təşkilatda səlahiyyət həddini aşaraq külli miqdarda maliyyə vəsaitini mənimsəməkdə şübhəli bilinərək həbs edilib.
