Fərqli ölkələrdən olan alimlərin birgə apardığı araşdırma nəticəsində yeni növ koronavirusun bədənə daxil olduğu əsas nöqtə məlum olub.
Yenixeber.org: Almaniya, ABŞ, İngiltərə kimi bir neçə ölkənin birgə apardığı COVİD-19 araşdırmalarının nəticəsinə görə, burunda yerləşən "ACE2" və "TMPRSS2" adlı iki protein yeni növ koronavirusun orqanizmə daxil olduğu əsas "giriş qapısı" rolunu oynayır. Bütün viruslar orqanizmdəki digər hüceyrələrə daxil olmaq üçün məhz həmin nöqtələrdən istifadə edir. Araşdırmaçılar hər iki proteinin tərkibini və funksiyalarını öyrənmək üçün ağciyər, burun, bağırsaq, ürək, böyrək və qaraciyər hüceyrələri üzərində müşahidələr aparıb. Bütün araşdırmalar burunda yerləşən həmin proteinlərin virusların orqanizmə daxil olduğu əsas nöqtə olduğunu ortaya qoyub. Araşdırmanın nəticələri məşhur "Nature Medicine" adlı elmi jurnalda yayımlanıb. Qeyd edək ki, araşdırmaya Almaniyadan "Max Delbrück" tibb mərkəzi, İngiltərədən "Wellcome Sanger" İnstitutu, ABŞ-dan "HumanCellAtlasLung BiologicalNetwork" araşdırma mərkəzi, Fransadan "Cote d'Azur" Universiteti, Niderlanddan "Groningen" Universitetindən olan mütəxəssislərin cəlb edilib.