"Hindistana gedən Rusiya neftini daşıyan son supertankerlər təxminən dörd həftə əvvəl Qara dənizdəki limanlarını tərk ediblər"

Yenixeber.org: ABŞ sanksiyalarının qüvvəyə minməsi səbəbindən Hindistan bu gündən - 21 noyabrdan etibarən Rusiya neftinin alışını azaldacaq. Bu barədə “The New York Times” qəzeti məlumat yayıb.

Nəşr yazıb ki, "Hindistana gedən Rusiya neftini daşıyan son supertankerlər təxminən dörd həftə əvvəl Qara dənizdəki limanlarını tərk ediblər".

Qəzetin məlumatına görə, bu, ABŞ-ın Rusiya neft şirkətləri ilə iş görən qurumlara qarşı sanksiyalarının qüvvəyə minməsi planlaşdırılan cümə günündən əvvəl təyinat yerlərinə çatmaq üçün edilib.

Nəşr qeyd edib ki, əgər hər hansı kiçik Hindistan şirkəti Rusiya enerji ehtiyatlarını almağa davam etmək istəsə, bunu gizli və az miqdarda etməli olacaq. Alıcılar Vaşinqtonun Rusiya nefti ilə mübarizə aparmaq üçün yeni yollar tapmağa çalışacağından ehtiyat edərək ehtiyatla hərəkət edəcəklər.