Dekabrın 6-na keçən gecə Rusiya qoşunları Kiyev vilayətinə hava hücumu həyata keçirib.

Yenixeber.org: Ukrayna Fövqəladə Hallar üzrə Dövlət Xidmətinin yaydığı məlumata görə, gecəboyu Kiyev vilayətinin Fastov, Vışqorod və Buça rayonları Rusiya tərəfindən güclü atəşə tutulub. Üç nəfər yaralanıb.

Fastovda yanğınlar baş verib, dəmiryol vağzalı və avtobazaya ziyan dəyib.

Novi Petrovtsi kəndində pilotsuz uçan aparatların qalıqları 5500 kvadratmetrlik anbarda yanğına səbəb olub. Həmçinin bu kənddə 3 yük maşını yanıb, yaşayış binası dağılıb, daha 6 evə ziyan dəyib.

Buça rayonunun Nejloviçi kəndində yanğın baş verib və fərdi yaşayış evi yanıb.

Hücumun nəticələrinin aradan qaldırılması üçün səylər davam edir.