AZ
RU
Hitlerin izi ilə...-Xaqani Cəfərli yazır
Hitler 1938-ci ilin sentyabrında əhalisinin 90 faizi almanlardan ibarət olan Sudet vilayətinin Çexoslovakiyadan qoparılıb Almaniyaya verməsini tələb etdi. İstəyi təmin edilməyəcəyi halda müharibəyə başlayacağı ilə bağlı ultimatumla çııxş etdi.
Yenixeber.org: Əsas vəzifələri sülhü qoruyub saxlamaq olduğun iddia edən Böyük Britaniyanın baş naziri Nevil Çemberlen və Fransanın baş naziri Eduard Daladye Hitlerin istəyini təmin etdilər. İkinci dünya müharibəsinin yolu açıldı.
Putin rusların və rusdillilərin hüququnun qorunması adı altında bütün dünaynın gözü önündə Krımı ilhaq edib. Üstəlik həmin rusdllilərin hüququnun qorunması bəhanəsi ilə bütün qonşularını təhdid edir, Ukrayna və Qazaxıstanın bir sıra ərazilərinə iddia edir. Müharibə təhdidi ilə NATO və Avropa Birliyin postsovet məkanın tərk etməyə, bu bölgəni Rusiyanın nəzarətinə verilməsini tələb edir.
Boris Conson Nevil Çemberlenin tarixdəki mənhus rolunu təkrar etmək istəmir. Emmanüel Makron Putindən Daladye Hitlerdən qorxduğundan daha çox çəkinir. Politoloqlar Co Baydenin Franklin Ruzvelt kimi qətiyyətli ola bilməyəcəyindən ehtiyyat edirlər. Gələcək nəsillər isə Putini Hitlerə bənzədən Hillari Klintonu hörmətlə xatırlayacaqlar.
Putin isə Hitlerin izi ilə getməkdə qətiyyətlidir. Sonu da fərqli olmayacaq. Rusiyanı da faşist Almaniyasının aqibətinə bənzər sonluq gözləyir.
