AZ
RU
“OMON” jurnalisti belə vurdu -VİDEO
Rusiyada keçirilən son etiraz aksiyaları hədsiz polis zorakılığı ilə müşaiyət olunub.
Yenixeber.org: Fevralın 2-də müxalifətçi Aleksey Navalnının həbsinə etiraz aksiyasını işıqlandıran rusiyalı jurnalistlərdən birinə qarşı aşkar polis zorakılığı ciddi etirazlara səbəb olub.
Belə ki, Moskvada baş tutan aksiyanın iştirakçılarının döyülməsi səhnəsini çəkən jurnalist Fyodor Xudokormov polis dəyənəyinə tuş gəlib. Üzərində “press” yazılan gödəkçə olmasına və polis işçilərinin onun jurnalist olduğunu bilməsinə rəğmən,
“OMON”-çular Xudokormovu kötəkləyiblər. Bununla bağlı yayılan videodan da görünür ki, polislərdən biri jurnalisti əvvəlcə kənara itələyir, daha sonra buna iradını bildirən və jurnalist olduğunu deyən Xudokormova dəyənəklə iki zərbə endirilir.
Rəsmi məlumata görə, polis baş verən insidentlə bağlı “OMON”-çulara dair daxili araşdırmaya başlayıb. Onu da xatırladaq ki, fevralın 2-də keçirilən aksiyada minlərlə nümayişçi həbs olunub.
“azpolitika”
