AZ
RU
Qaribaşvilidən YENİ XƏBƏR:“Heç kimin əleyhinə ifadə verməmişəm”
Gürcüstanın sabiq Baş naziri İrakli Qaribaşvili məhkəmədə heç kimin əleyhinə ifadə vermədiyini bildirib.
Yenixeber.org: Bu barədə Qaribaşvili Tbilisi Şəhər Məhkəməsindən çıxarkən jurnalistlərin suallarını cavablandıran zaman deyib.
Məlumata görə, o, binanı əsas girişdən deyil, yan qapıdan tərk edib.
Qeyd edək ki, Tbilisi Şəhər Məhkəməsi onun barəsində 1 milyon lari məbləğində girov qətimkan tədbiri seçib. Qərara əsasən, Qaribaşvili pasportunu təhvil verməli və ölkəni tərk etməməlidir.
Onu da bildirək ki, eks-Baş nazirə qanunsuz gəlirlərin leqallaşdırılması (yuyulması) ittihamı irəli sürülüb. Gürcüstan qanunvericiliyinə əsasən, bu maddə üzrə 9 ildən 12 ilədək azadlıqdan məhrumetmə cəzası nəzərdə tutulur.
