AZ
RU
Hakimiyyətdə «Gülən əməliyyatı» əndişəsi
Rəsmi Ankara Azərbaycanda «gülənçilərə» qarşı birgə əməliyyatlara başlamaq niyyətindədir
Xeberinfo.com: Hakimiyyət Türkiyədəki uğursuz hərbi çevriliş cəhdindən sonra başlanan “Gülən əməliyyatı”nın Azərbaycana sıçrayacağından narahatdır. Bu barədə “Azadlıq”a məlumatlı mənbələrdən bəlli olub. Sızan məlumatlara görə, Türkiyə hüquq-mühafizə orqanları əməkdaşlarının azərbaycanlı həmkarları ilə birgə ölkəmizdə “gülənçilər”ə qarşıəməliyyat keçirməsi gündəmdədir. Bu baş verəcəyi təqdirdə hətta hakimiyyətdəki bəzi iri məmurlar da hədəfə gələ bilər. Hakimiyyətin narahatlığı da məhz bununla bağlıdır. İqtidar fərqindədir ki, rəsmi Ankaranı niyyətindən döndərmək çətindir. Türkiyə prezidenti Rəcəb Tayyip Ərdoğanın bu məsələdə güzəştə gedəcəyi inandırıcı deyil.
Xatırladaq ki, artıq Azərbaycana məxsus “SOCAR Türkiyə” şirkətində əməliyyat keçirilib və qurumun rəhbəri həbs olunub. Həmçinin şirkətdən bəzi sənədlər götürülüb.
