AZ
RU
“MTN-in təcridxana rəisi nazirin əmri ilə insanları sıxışdırırdı”
“Eldar Mahmudovun komandasının fəal üzvü olan və bu ilin fevral ayında işdən qovulan kapitan Zaur Bənnayev MTN-in Müvəqqəti Saxlama Yeri və İstintaq Təcridxanasının rəisi kimi, əmr və göstərişləri birbaşa nazirin özündən alaraq, insanları təcridxanada sıxışdırırdı”.
Xeberinfo.com: Bunları adının çəkilməsini istəməyən keçmiş MTN əməkdaşı “AzPolitika”ya müraciətində yazır. Müəllif bildirir ki, Z.Bənnayev bu təcridxanada saxlanılan imkanlı, tanınmış şəxslərin saxlanma şəraitini yaxşılaşdırmaq üçün onlardan külli miqdarda pul alırdı.
“Dustaqlardan hər şeyə görə pul alırdı. Məsələn, O cümlədən “Texnika Bank”ın əməkdaşları, biznes adamları – Rəşad Məmmədov, Nicat Quliyev, Etibar Əliyev və başqalarından. Hansı ki, bu adamlar Eldar Mahmudovun əmri ilə orada saxlanılırdılar. Təcridxana rəisi Zaur Bənnayev bunlardan kamerada şəraitin yaxşılaşdırılmasına – televizor, başqa ləvazimatlara görə pul alırdı. Söhbət 10 min, 20 min manatlardan gedirdi…”
