Abxaziya separatçıları Gürcüstanda Azərbaycan qoşunlarının olmasından narahatdır

Əvvəl də qeyd etdiyimiz kimi, Tbilisidə Azərbaycan, Türkiyə və Gürcüstan hərbçilərinin iştirak etdiyi "Eternity-2021" komanda-qərargah təlimi başlamışdır.
Yenixeber.org: Azərbaycan Müdafiə Nazirliyinin məlumatında bildirilir ki, oktyabrın 8-dək davam edəcək və nəzəri və praktiki hissələrdən ibarət olacaq təlimlərdə üç ölkənin hərbi qulluqçuları və aidiyyəti dövlət strukturlarının nümayəndələri regional iqtisadi layihələrin mühafizəsinin təşkili ilə bağlı vəzifələri yerinə yetirəcəklər.
Hərbi təlimlərin keçirilməsi ilə bağlı məlumatlar Abxaziya separatçılarının rəhbərliyi arasında ciddi narahatlıq yaradıb. Abxaziyanın qondarma "Xarici İşlər Nazirliyi" təlimləri "Gürcüstanın hərbi ambisiyalarını həvəsləndirmək məqsədi daşıyan təxribatçı hücum" adlandırıb.
Suxumi, Gürcüstanın son vaxtlar Türkiyə və Azərbaycanla hərbi əməkdaşlığı gücləndirməsindən narahatlığını ifadə edir.
Separatçı Abxaziya rəhbərliyi hesab edir ki, bu cür hərbi fəaliyyət "mövcud regional təhlükəsizlik arxitekturası üçün real təhlükə yarada bilər".









AZ
RU