Putin keçmiş ABŞ prezidenti Reyqanın müşavirinə vətəndaşlıq verib

Rusiya prezidenti Vladimir Putin ABŞ Dövlət Departamentinin keçmiş əməkdaşı, ABŞ prezidenti Ronald Reyqanın keçmiş müşaviri Syuzan Massiyə Rusiya vətəndaşlığı verib.
Yenixeber.org: Sərəncam bu gün imzalanıb.
“Aşağıdakı şəxslər Rusiya Federasiyasının vətəndaşlığına qəbul edilsin. 1931-ci il yanvarın 8-də Amerika Birləşmiş Ştatlarında anadan olmuş Massi Syuzan Rorbah”, – sərəncamda deyilir.
Massi amerikalı tarixçi, yazıçı, ictimai və dövlət xadimidir. 1984-1988-ci illərdə ABŞ prezidenti Ronald Reyqanın müşaviri olub və Rusiya-Amerika münasibətlərinin normallaşması və soyuq müharibənin başa çatmasında mühüm rol oynayıb.
Massi 1985-1986-cı illərdə Cenevrədə və Reykyavikdə Reyqanla keçmiş SSRİ prezidenti Mixail Qorbaçov arasında görüşlərin hazırlanmasında iştirak edib. Məhz Massi Reyqana rus dilində “güvən, amma yoxla” atalar sözünü tələffüz etməyi öyrədib.









AZ
RU