AZ
RU
ABŞ üçün İranla münaqişədə qələbə Tehranın nüvə silahı yaratmaq üçün maliyyə və texnoloji imkanlardan birdəfəlik məhrum edilməsindən ibarət olacaq.
Yenixeberorg.az: Bunu ABŞ dövlət katibi Marko Rubio Vaşinqtonda Federalist Cəmiyyətində çıxışından sonra jurnalistlərin suallarını cavablandırarkən bildirib.
“Düşünürəm ki, qələbə onların heç vaxt nüvə silahına sahib olmamasını təmin etməkdir. Bu isə o deməkdir ki, onların bunun üçün nə pulu, nə də avadanlığı olmalıdır”, – Rubio deyib.
Dövlət katibi ABŞ-ın İrana qarşı iqtisadi təzyiqlərinin artıq ciddi nəticələr verdiyini iddia edib.
“Hazırda bu rejimə vurduğumuz iqtisadi zərər o qədər böyükdür ki, hərbi əməliyyatlara ehtiyac yoxdur. Çünki biz onları çox ciddi şəkildə zəiflətmişik”, – o vurğulayıb.
